Hliðvörðurinn
Heimdallur
Heimdallur tekur við erindum sem berast, flokkar þau og ber þau undir Óskar. Í fyrstu útgáfu skrifar hann aðeins línur í daglegt yfirlit og sendir ekkert sjálfur. Hann er enn í smíðum.
Lítið samfélag gervigreindarvéla, byggt heima.
Melalda er persónulegt verkefni þar sem Óskar Þór og vélarnar byggja saman samfélag sem hjálpar til í daglegu lífi fjölskyldunnar. Hver íbúi hefur eitt hlutverk og fylgir skýrum reglum. Hér segjum við frá hugmyndunum á bak við það og því sem við höfum lært á leiðinni.
Hver vél í Melöldu er kölluð íbúi. Íbúi hefur eitt hlutverk og skírteini sem segir hvað hann má gera og hvað ekki. Þegar sagt er „við“ á þessari síðu er átt við Óskar og íbúana.
Þetta er ekki vinnutengt verkefni. Samfélagið á að létta undir með Óskari og fjölskyldunni í daglegu lífi.
Við byrjuðum haustið 2026. Í nóvember tók heimavélin til starfa, sú sem er alltaf í gangi, og síðan þá hefur samfélagið átt fastan samastað.
Samfélagið er enn lítið og margt er í smíðum. Við reynum að segja frá því eins og það er.
Húsið hét áður Melgerði og heitir nú Alda. Nafnið Melalda tengir þau tvö saman, gamla nafnið og það nýja.
Hliðvörðurinn
Heimdallur tekur við erindum sem berast, flokkar þau og ber þau undir Óskar. Í fyrstu útgáfu skrifar hann aðeins línur í daglegt yfirlit og sendir ekkert sjálfur. Hann er enn í smíðum.
Hugur Óskars
Huginn er persónulegt vinnu- og hugsanakerfi Óskars. Hann fangar hugmyndir, heldur utan um opin mál, sem við köllum bolta, og finnur næsta skref. Hann skrifar drög sem Óskar samþykkir, en tekur aldrei ákvarðanir fyrir hann.
Sendiboðinn
Muninn lætur Óskar vita í símanum þegar verki lýkur.
Vaktarinn
Uatu fylgist með vefjum, skírteinum, lénum, pósti, afritum og lyklum og lætur vita þegar eitthvað bilar. Hann les og tilkynnir, en breytir engu.
Smiðurinn
Völundur vinnur forritunarverkin. Hann vinnur í einnota umhverfi sem hverfur eftir hvert verk og skilar breytingunum til yfirferðar. Hann fær aldrei aðgang að kerfum í rekstri.
Sá sem ræður
Óskar les, samþykkir og tekur stóru ákvarðanirnar. Hann getur líka sett verk af stað úr símanum á ferðinni og haldið áfram við tölvuna síðar.
Nöfnin sækjum við í norræna goðafræði, og stundum í Marvel-heiminn. Huginn og Muninn eru hrafnar Óðins, hugur og minni. Heimdallur er vörður goðanna og Völundur frægasti smiður norrænna sagna. Uatu er Vaktarinn úr Marvel-sögunum, sem sér allt en hefur heitið því að grípa aldrei inn í.
Reglan er einföld: vélar og staðir heita eftir stöðum eða verkfærum, en íbúar eftir verum. Þannig getur íbúi flutt á milli véla án þess að nöfnin rekist á. Verkstæði samfélagsins heima heitir Smiðja.
Samfélagið hvílir á nokkrum einföldum reglum. Þessar skipta mestu:
Og tvær sem gott er að muna: Ekkert telst uppsett fyrr en það er vaktað og afritað. Og samfélagið á að loka boltum, ekki fjölga þeim.
Íbúi færist upp um stig með reynslu, aldrei fyrir fram. Að hækka um stig er ákvörðun Óskars.
Hvert nýtt verk fer sömu leið, frá hugmynd til rekstrar.
Ein lína.
Spurningunum svarað. Mikilvægasta hliðið.
Yfirlesarar án samhengis rýna hana áður en nokkuð er smíðað.
Ein lota í einu, í höndum Völundar.
Einhver annar en sá sem smíðaði fer yfir.
Óskar prófar sjálfur áður en nokkuð fer í notkun.
Óskar sameinar. Smiðurinn fær aldrei lyklana.
Vaktað og afritað.
Yfirlesarar sem vita ekkert um verkið fyrir fram rýna áætlanirnar. Við köllum þá gullfiska. Þeir hafa oftar en einu sinni fundið alvarlegar villur sem höfundurinn sá ekki, einmitt af því að þeir vissu ekki hvað átti að standa þar.
Hugmyndin er þessi: ný sjálfvirk aðgerð byrjar alltaf á því að Óskar samþykkir hana í símanum. Þegar sama aðgerð hefur verið samþykkt nokkrum sinnum án vandræða, segjum tíu sinnum, má gera hana sjálfvirka. Við höfum ekki smíðað þetta enn, en þetta er leiðin sem við ætlum að fara.
Við veltum fyrir okkur verði sem framkvæmir aðgerðir fyrir íbúana í stað þess að þeir fái sjálfir lykla. Hugmyndin er góð, en við lögðum hana til hliðar þar til raunveruleg þörf kemur upp. Reglurnar eiga að byggjast á því sem gerist í raun, ekki á ágiskun.
Þetta lærðum við á því að þurfa að endurnefna hluti sem höfðu fengið nafn í flýti. Nú spyrja íbúarnir Óskar um nafn áður en eitthvað er búið til, og sama nafnið gildir alls staðar. Það hljómar smátt, en sparar mikinn rugling síðar.
Bréf getur reynt að gefa gervigreind fyrirmæli. Pósthúsið okkar er enn í smíðum, og það er hannað með þetta í huga: Huginn fær bréf aðeins sem hreinsaðan texta, hefur engin tól til að bregðast við þeim, og ekkert fer út án þess að Óskar samþykki það í símanum.
Fyrirmyndin er Sumarhús, sams konar samfélag sem Magnús Smári rekur. Ef þú hefur gaman af Melöldu skaltu endilega líta við þar: sumarhus.com
Ert þú að byggja eitthvað svipað? Okkur þætti gaman að heyra frá þér.
Skrifaðu á heimdallur@melalda.is.
Bréfið berst í pósthólf Heimdallar og Óskar les það.